2018 жылдың 12 қазанында "Рухани жаңғыру" бағдарламасы аясында және қазан айы-қарттарды құрметтеу айы болғандықтан, Мәлiк Ғабдуллин атындағы жалпы бiлiм беретiн орта мектептiң 10-11 сынып оқушыларына Зерендi ауданының Құрметтi азаматтары-М. Қабдешев, С. Өтеулин, Шахма Баймырзаұлының жеке тектiк қор құжаттарының көрмесi ұйымдастырылды.

Кездесуге аудандық бiлiм саласының даму тарихының қыр-сырын жетiк меңгерген ардагерлерiмiз-Мұхит Қабдешұлы Қабдешев жұбайы-Клара Қажыбайқызымен, Сапарбек Сәдуұлы Өтеулиннiң жұбайы-Бибiсара Iдiрiсқызы Ахметова және Шахма Баймырзаұлының ұлы Серiк Шахмаұлы Баймурзин шақырылып, олар өз естелiктерiмен бөлiстi.